ᐱᓇᓱᐊᑦᓴᖅ ᕿᒥᕐᕈᒍᑕᐅᓂᕐᒧᑦ ᒪᓂᓚᖓᓗᒍ
ᑫᓪᓗᑐᕐᑏᑦ ᐱᓇᓱᐊᑦᓴᒥᒃ ᑲᔪᓯᑎᑦᓯᒍᒪᔪᑦ ᓄᓇᕕᐅᑉ ᐃᓗᐊᓂ ᐱᒋᐊᙵᓂᖓᓂ ᖃᐅᔨᒪᐅᑎᓂᒃ ᑎᑭᑎᑦᓯᒋᐊᖃᕐᑎᑕᐅᔪᑦ ᑐᕐᖃᑕᕐᕕᐅᑉ ᑐᖓᓕᐊᓄᑦ ᑐᕐᖃᑕᕐᕕᒥ ᒪᑭᑕᒍᓐᓇᓚᖓᔪᓂᒃ ᐱᕙᓪᓕᐊᑎᑦᓯᓂᕐᒧᑦ, ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ ᐊᑭᓂᐊᕐᓂᒧᑦ, ᑖᓐᓇᓗ ᑖᒃᑯᓂᖓ ᑎᑭᑎᑦᓯᓂᐊᕐᓱᓂ ᑐᑭᑖᕐᑐᐃᔩᑦ ᕿᒥᕐᕈᒍᑕᐅᖁᓗᒋᑦ.
Mr. Marc Croteau
Deputy Minister
Ministère de l’Environnement
et de la Lutte contre les changements climatiques
Édifice Marie-Guyart, 30th floor, Box 02
675 René-Lévesque Blvd. E.
Quebec City, Qc, G1R 5V7
Email: Marc.croteau@environnement.gouv.qc.ca
ᑖᒃᑯᐊ ᐱᒋᐊᙵᓂᖓᓂ ᖃᐅᔨᒪᒍᑎᑦᓭᑦ ᒪᑯᓂᖓ ᐃᓚᖃᕆᐊᓖᑦ:
- ᓇᓗᓀᕐᓯᒍᑎ ᐱᓇᓱᐊᑦᓴᐅᑉ ᑫᓪᓗᐊᑎᖏᓐᓂᒃ ᐊᒻᒪᓗ ᑖᒃᑯᐊ ᐃᓱᒪᓕᐅᕐᑎᖓᓂᒃ, ᑕᒪᓐᓇ ᒥᑦᓯᖃᕐᐸᑦ;
- ᐱᓇᓱᐊᑦᓴᐅᑉ ᐊᑎᖓ;
- ᐱᓇᓱᐊᑦᓴᐅᑉ ᑐᕌᕐᑕᖏᑦ ᐊᒻᒪᓗ ᑐᑭᖃᕐᓂᖓ;
- ᐱᓇᓱᐊᑦᓴᐅᑉ ᓱᑯᑦᓯᓗᑐᕐᒦᓂᖓ ᐊᒻᒪᓗ ᐸᕐᓇᓯᒪᐅᑏᑦ ᕿᒥᕐᕈᓚᖓᓂᕐᒥᒃ ᐊᓯᑦᓴᖏᓐᓂᒃ ᐃᓂᓂᒃ ᑕᒪᓐᓇ ᓈᒻᒪᓈᑐᐊᕐᐸᑦ;
- ᐅᓕᕐᓀᓯᒌᕈᑏᑦ ᐱᓇᓱᐊᑦᓴᒥᒃ ᐊᒻᒪᓗ ᐊᑦᔨᒌᓕᙱᒍᓐᓇᕈᑎᖏᓐᓂᒃ;
- ᐅᐊᕈᑕᐅᔪᑦ ᐱᒻᒪᕆᐅᓂᖏᑦ ᐆᒪᔪᐃᑦ ᑕᖏᓖᑦ ᐊᒻᒪᓗ ᐃᓄᐃᑦ ᐊᕙᑎᖏᓐᓄᑦ;
- ᓱᕐᕂᒍᑕᐅᓚᖓᔪᑦ ᐱᒻᒪᕆᐅᓂᖏᑦ ᐱᓇᓱᐊᑦᓴᐅᑉ ᓂᕆᐅᓐᓇᑎᑕᖏᑦ;
- ᖃᓄᖅ ᐸᕐᓇᓯᒪᓂᖓ ᖃᐅᔨᒪᑦᑎᓯᒍᑕᐅᓚᖓᓗᓂ ᐊᒻᒪᓗ ᐃᓱᒪᑦᓴᓯᐅᕈᑕᐅᓚᖓᓗᓂ ᐃᓄᓕᒫᓂᒃ;
- ᐱᓇᓱᐊᑦᓴᐅᑉ ᐅᓪᓗᖏᑦ;
- ᑭᖑᓂᖓᓂ ᐱᓇᓱᐊᕐᑕᐅᓂᑦᓴᖏᑦ ᐊᒻᒪᓗ ᑕᒪᑐᒧᖓ ᐊᑦᑐᐊᓱᑎᒃ ᐱᓇᓱᐊᑦᓴᕈᓛᕐᒥᔪᑦ;
- ᐱᓇᓱᐊᑦᓴᖅ “ᓱᕐᖁᐃᓯᐊᙱᑐᒦᑦᑐᖅ” ᐱᑦᔪᑎᒋᓗᒍ, ᑐᕂᓐᓇᓗᓂ ᐊᑐᕆᐊᖃᑦᓴᐅᑎᒋᙱᑐᖅ ᐅᕝᕙᓘᓐᓃᑦ ᖃᓗᔭᐅᒪᙱᑐᖅ ᕿᒥᕐᕈᒍᑕᐅᒋᐊᓕᓐᓄᑦ ᐃᓚᐅᓂᑯᖓᓄᑦ ᐱᓇᓱᐊᑦᓴᓄᑦ ᓈᓴᕐᑕᐅᔪᓄᑦ ᓈᓭᑎᓂ 1 ᐊᒻᒪᓗ 2-ᒥ ᔪᕼᓇᒋᒍ ᐃᓗᐊᓂ, ᑫᓪᓗᐊᑎᖓ ᓄᐃᑦᓯᒋᐊᓕᒃ ᓈᒻᒪᑐᓂᒃ ᖃᐅᔨᒪᒍᑎᑦᓴᓂᒃ ᑐᑭᑖᕐᑐᐃᔩᑦ ᑲᔪᓯᑎᑦᓯᒍᑎᒋᒍᓐᓇᑕᖏᓐᓂᒃ ᓱᓇᒥᓪᓗᒍ ᕿᒥᕐᕈᒋᐊᙵᓂᕐᒥᒃ ᐱᓇᓱᑦᓴᐅᑉ ᐃᓄᓐᓂᒃ ᐊᒻᒪᓗ ᐊᕙᑎᓂᒃ ᓱᕐᕂᓚᖓᓂᖓᓂᒃ ᐊᒻᒪᓗ ᓇᓗᓀᕐᓯᒍᑎᒋᒍᓐᓇᑕᖏᓐᓂᒃ ᐱᓇᓱᐊᑦᓴᖅ ᐊᑐᕐᑐᓴᐅᒻᒪᖔᑦ ᐊᑐᕐᑐᓴᐅᙱᒪᖔᓪᓗ ᕿᕐᒥᕈᒍᑕᐅᓂᕐᒥᒃ.
ᐱᕕᖃᕐᒥᔪᖅ ᐊᑐᕐᓗᓂ ᐊᓪᓚᓯᒪᔪᒥᒃ ᐆᒥᖓ ᐱᒋᐊᙵᓂᖓᓂ ᖃᐅᔨᒪᒍᑏᑦ ᓄᓇᒥ ᑕᕐᕋᕙᓯᑦᑐᒥ ᐱᓇᓱᐊᑦᓴᐅᑉ ᒥᑦᓵᓄᑦ ᑕᒡᒐᓂ ᐱᔭᑦᓴᐅᔪᒥᒃ.
ᐅᖃᐅᓰᑦ ᐱᓇᓱᒍᓐᓇᐅᑎᖏᑦ ᐃᓄᐃᑦ ᐃᓚᐅᔪᑦ ᑐᑭᑖᕐᑐᐃᔨᓄᑦ ᑌᒪᙵᐅᓂᕐᓴᖅ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ ᐅᖃᐅᓯᐅᕗᑦ. ᓲᓱᑦᓴᖏᓐᓇᓗᑎᒃ ᐅᖃᐅᓯᕐᒧᑦ ᒪᓕᒐᕐᒥᒃ ᐊᑐᕐᑎᑕᐅᔪᒥᒃ ᑯᐯᒃᑯᑦ ᑲᕙᒪᖓᓄᑦ, ᐅᖃᕐᓯᒪᔪᒥᒃ ᐱᓇᓱᐊᑦᓭᑦ ᐊᓪᓚᖏᑦᑕ ᓄᐃᖃᑦᑕᕆᐊᖃᕐᓂᖏᓐᓂᒃ ᐅᐃᒍᐃᑎᑑᕐᓗᑎᒃ, ᑫᓪᓗᐊᑏᑦ ᑐᑭᑖᕐᑐᐃᔨᓄᑦ ᓄᐃᑦᓯᖃᑦᑕᖁᔭᐅᕗᑦ ᓱᓇᒥᑦᓯᐊᑐᓂᒃ ᐅᖃᕕᒎᓕᕐᑎᓯᒍᑎᓂᒃ ᐊᓪᓚᓯᒪᔫᑎᓪᓗᒋᑦ ᓄᐃᓯᒪᔭᒥᓐᓂᒃ ᐅᕝᕙᓘᓐᓃᑦ ᐅᖃᕆᐊᑭᓪᓕᑎᔪᓂᐅᓐᓃᑦ ᖃᓪᓗᓈᑎᑑᕐᑎᓗᒋᑦ ᑕᒪᓐᓇ ᓱᑲᓐᓂᓴᐅᑎᑦᓯᓂᐊᕐᒪᑦ ᕿᒥᕐᕈᓂᐅᑉ ᑐᑭᑖᕐᓂᐅᓗ ᐱᕐᕈᓯᖓᓂᒃ. ᑌᒣᙱᑐᐊᕐᐸᑕ, ᑐᑭᑖᕐᑐᐃᔩᑦ ᓄᐃᑦᓯᒋᐊᖃᓚᖓᔪᑦ ᓇᒻᒥᓂᖅ ᐅᖃᕕᒎᓕᕐᑎᓯᒍᑎᒥᓂᒃ ᑕᒪᓐᓇᓗ ᓱᕐᕂᖏᓐᓂᐅᔭᕋᓂ ᕿᒥᕐᕈᓂᐅᑉ ᐊᑯᓂᕆᓂᖓᓂᒃ.
ᑐᑭᑖᕐᑐᐃᔩᑦ ᑲᑎᒪᓲᖑᕗᑦ ᐃᑭᓈᕐᓂᐹᖓᓄᑦ ᐱᖓᓲᔪᕐᑐᕕᑦᓱᑎᒃ ᐊᕐᕌᒍᑕᒫᑦ. ᖃᐅᔨᒪᒍᑏᑦ ᑫᒥᑕᐅᒋᐊᕐᑐᓂᒃ ᐱᓇᓱᐊᑦᓴᓂᒃ ᒪᓂᖃᑦᑕᕆᐊᓖᑦ ᐊᐅᓚᑦᓯᔨᒻᒪᕆᒻᒧᑦ ᐃᑭᓈᕐᓂᐹᖓᓄᑦ ᐱᖓᓲᔪᕐᑐᓄᑦ ᐱᓇᓱᐊᕈᓯᕐᓄᑦ ᓯᕗᓪᓕᐅᑎᓪᓗᒋᑦ ᑭᖑᓪᓕᒥᒃ ᑲᑎᒪᓂᑦᓴᖓᓄᑦ, ᓈᒻᒪᑐᒥᒃ ᐱᕕᖃᕐᓂᐊᒪᑕ ᕿᒥᕐᕈᒍᓐᓇᓯᕕᑦᓴᒥᒃ ᑫᒥᑕᐅᒍᒪᔪᒥᒃ, ᓇᓗᓀᕐᓯᒍᓐᓇᓯᓗᑎᓪᓗ ᖃᐅᔨᒪᒍᑎᒋᐊᓪᓓᑦ ᐱᒋᐊᖃᕐᖔᑕ, ᐊᒻᒪᓗ ᐊᑐᐃᓐᓇᕈᐃᒍᓐᓇᓂᐊᕐᒪᑕ ᐊᑐᕆᐊᖃᕐᓂᐊᑐᓂᒃ ᑭᖑᓪᓕᒥᒃ ᑲᑎᒪᓂᕐᒥ. ᑐᑭᑖᕐᑐᐃᔩᑦ ᐃᑉᐱᒍᓱᑉᐳᑦ ᓱᓇᑐᐃᓐᓇᓂᒃ ᐊᐅᓚᑦᓯᒋᐊᖃᕐᓂᐅᑉ ᓯᓚᐅᓪᓗ ᐊᕝᕕᐊᓗᑕᐅᓂᖏᓐᓂᒃ ᐱᓇᓱᐊᑦᓴᒥᒃ ᑲᔪᓯᑎᑦᓯᓂᕐᒧᑦ ᓄᓇᕕᐅᑉ ᐃᓗᐊᓂ, ᐊᒻᒪᓗ ᐱᕕᓕᒫᖓᓄᑦ ᑲᔪᓯᒐᓱᐊᓲᖑᕗᑦ ᑮᓇᐅᔭᕐᑐᓗᐊᕐᑌᓕᒐᓱᐊᕐᓱᑎᒃ ᐱᓇᓱᐊᑦᓴᓂᒃ ᑫᒥᑕᐅᒍᒪᔪᓂᒃ ᕿᒥᕐᕈᓂᕐᒥᒍᑦ.
ᑕᒡᒐᓂ ᐃᓚᖓ ᐅᓇ ᐊᕙᑎᒥᒃ ᐊᒻᒪᓗ ᐃᓅᖃᑎᒌᓂᒃ ᖃᐅᔨᓴᕐᓂᖅ ᐅᖃᕐᓯᒪᕗᖅ ᑐᑭᒧᐊᒍᑕᐅᒋᐊᓕᓐᓂᒃ ᐊᕙᑎᒥᒃ ᕿᒥᕐᕈᔨᖃᕈᑎᓄᑦ ᐋᕐᕿᓯᒪᔪᓄᑦ ᓄᓇᕕᒻᒥ, ᐊᓪᓗᕆᐊᕐᓂᖏᓐᓂᓗ ᐱᕐᕈᓯᖓᑕ ᐃᓗᐊᓂ, ᖃᓄᐃᑦᑐᐃᓗ ᐱᓇᓱᐊᑦᓭᑦ ᑐᕂᓐᓇᑐᒥᒃ ᐊᑐᕐᑐᓴᐅᓂᖏᓐᓂᒃ ᕿᒥᕐᕈᒍᑕᐅᓂᕐᒥᒃ ᐊᒻᒪᓗ ᖃᓄᐃᑦᑐᐃᑦ ᐱᓇᓱᐊᑦᓭᑦ ᖃᓗᔭᐅᙱᓂᖓᓂᒃ ᑕᒪᑐᒧᖓ, ᐃᓗᓕᑦᓴᓂᓪᓗ ᓱᕂᒍᑎᓂᒃ ᕿᒥᕐᕈᒍᑎᒧᑦ, ᐊᒻᒪᓗ ᖃᐅᔨᒪᒍᑏᑦ ᐃᓄᓐᓂᓗ ᐃᓱᒪᑦᓴᓯᐅᕐᓂᑯᑦ ᑲᑎᒪᑎᑦᓯᒍᑕᐅᓂᖓᑕ ᐱᐅᓯᑦᓴᖓᓂᒃ.
ᑐᑭᓯᒋᐊᑦᓯᐊᕈᒪᒍᑦᓯ, ᐅᖃᕐᓗᓯ ᑐᑭᑖᕐᑐᐃᔩᑦ ᐊᓪᓚᑎᖃᕐᕕᖓᓄᑦ.
P.O. box 15
Kangiqsujuaq (Québec) J0M 1K0
Telephone: 819 338-0880
ᖃᕆᑕᐅᔭᒃᑯᑦ: secretariat@keqc-cqek.ca