ᐃᓄᓕᒫᑦ ᐃᓚᐅᖃᑕᐅᓂᖓᑦ

ᐃᓄᓕᒫᑦ ᐃᓚᐅᖃᑕᐅᓂᖓᑦ ᐃᓄᖃᑎᒌᓂᒃ ᐊᕙᑎᒥᓪᓗ ᑲᙳᓇᕿᓂᐅᑉ ᐱᕐᕈᓯᖓᓄᑦ ᓱᕐᖁᐃᕈᑕᐅᕗᖅ ᓄᓇᓯᒪᔪᐃᑦ ᐊᒻᒪᓗ ᐊᑕᐅᓯᐅᓕᖓᖃᑎᒌᑦ ᐊᑦᑐᐊᔭᐅᔪᑦ ᐱᓇᓱᐊᑦᓴᒧᑦ ᒥᑕᐅᒍᒪᔪᒧᑦ, ᐅᕝᕙᓘᓐᓃᑦ ᑐᓐᓇᑐᒥᒃ ᓱᕐᕋᑕᐅᓚᖓᔪᑦ ᑕᒪᑐᒧᖓ, ᑐᓴᐅᒪᑎᑕᐅᖏᓐᓈᓂᖓᓂᒃ ᐊᒻᒪᓗ ᐱᕕᑦᓴᖃᕐᑎᑕᐅᓂᖓᓂᒃ ᐅᖃᖃᑕᐅᓂᕐᒥᒃ ᐃᓱᒪᒋᔭᒥᓂᒃ, ᐃᓱᒫᓘᑎᒥᓂᒃ, ᐅᖃᐅᓯᑦᓴᒥᓂᒃ ᐅᕝᕙᓗᓐᓃᒃ ᐱᐅᓯᐅᖁᔭᒥᓂᒃ ᖃᓄᓕᒫᖅ ᐱᓇᓱᐊᑦᓴᐅᑉ ᒥᑦᓵᓅᓕᖓᔪᖅ ᐱᑦᔪᑎᒋᓗᒍ.

ᐃᓚᖓ 23.3.27-ᒥ JBNQA ᐃᓗᐊᓂ ᐃᓗᓕᓕᒃ ᐋᕐᕿᓯᒪᒍᑎᒥᒃ ᐃᒫᒃ ᓇᐅᑐᐃᓐᑦ ᐃᓄᐃᑦ ᐊᑐᓂ, ᐊᑕᐅᓯᐅᓕᖓᑎᒌᑦ, ᐅᕝᕙᓘᓐᓃᑦ ᓄᓇᓕᒃ ᐊᓪᓚᓯᒪᔪᕐᑎᒍᑦ ᑐᑭᑖᕐᑐᐃᔩᑦ ᐅᖃᐅᓯᑦᓴᓕᐅᕈᓐᓇᑎᓪᓗᒋᑦ ᐱᑦᔪᑎᓕᓐᓂᒃ ᓇᐅᑐᐃᓐᓇᒥᒃ ᐱᓇᓱᐊᑦᓴᒥᒃ ᕿᒥᕐᕈᓂᖓᑕ ᐱᑦᔪᑎᖓᓂᒃ. ᓱᓕᒋᐊᓪᓚᒃ, ᑐᑭᑖᕐᑐᐃᔩᑦ ᐱᕕᖃᕐᒥᔪᑦ, ᒋᐊᖃᕐᑐᕆᓕᑐᐊᕈᑎᒃ, ᖁᔨᓂᕐᒥᒃ ᑯᒻᒪᓲᑎᑦᓴᓕᓐᓂᒃ ᐅᖃᐅᓯᑦᓴᒥᓂᒃ ᐅᖃᕆᐊᕐᑐᖁᓗᒋᑦ ᑕᒡᒍᒧᑦ. ᑕᒪᓐᓇ ᐃᓱᒪᒥᐅᑕᕆᑦᓱᒍ, ᑐᑭᑖᕐᑐᐃᔩᑦ ᓴᓇᓯᒪᔪᑦ ᖃᐅᔨᒪᒍᑎᓕᕆᓂᐅᑉ ᐊᒻᒪᓗ ᐃᓄᓐᓂᒃ ᐃᓱᒪᑦᓴᓯᐅᕐᓂᐅᑉ ᐱᕐᕈᓯᖓᓂᒃ.

ᐃᓘᓐᓈᒍᑦ ᐅᖃᕐᓗᓂ, ᑐᑭᑖᕐᑐᐃᔩᑦ ᑐᙵᓱᑦᑎᓯᓲᖑᕗᑦ ᐅᖃᐅᓯᑦᓴᓂᒃ ᐱᑦᔪᑎᓕᓐᓂᒃ ᓇᐅᑐᐃᓐᓇᓂᒃ ᐱᓇᓱᐊᑦᓴᓂᒃ ᒪᓂᔭᐅᓯᒪᔪᓂᒃ ᕿᒥᕐᕈᔭᐅᓂᕐᒧᑦ ᐊᒻᒪᓗ ᑐᑭᓯᓂᐊᕐᑕᐅᓂᕐᒧᑦ. ᒃᑯᓇᓂ ᐃᓚᖃᓚᖓᔪᓂ ᐱᒻᒪᕆᐅᑎᓂᒃ ᐃᓅᖃᑎᒌᓐᓂᒧᑦ ᐊᒻᒪᓗ ᐊᕙᑎᒧᑦ ᓱᕐᕋᕈᑎᓂᒃ ᐅᕝᕙᓘᓐᓃᑦ ᐊᖏᔪᖑᐊᓂᒃ ᐃᓱᒪᓕᐅᕈᑎᑦᓴᓂᒃ ᐅᐊᕈᑎᓕᓐᓂ, ᑐᑭᑖᕐᑐᐃᔩᑦ ᑐᑭᑖᕈᓐᓇᑐᑦ ᐃᓄᓕᒫᓄᑦ ᒪᑐᐃᙶᑐᓂᒃ ᑲᑎᒪᑎᑦᓯᓂᖃᕐᓂᐊᓗᑎᒃ ᑐᓵᓂᐊᕋᒥᒃ ᒃᑯᐊ ᐊᐅᓚᑦᓯᔪᑦ ᐅᕝᕙᓘᓐᓃᑦ ᒃᑯᐊ ᓱᕐᕋᑕᐅᓚᖓᔪᑦ ᐱᓇᓱᐊᑦᓴᒧᑦ ᐃᓱᒪᖏᓐᓂᒃ, ᓂᓪᓕᕕᓕᐅᕐᓂᐊᕐᓗᑎᓪᓗ ᐅᖄᕕᑦᓴᒥᒃ ᓱᕐᒍᑕᐅᓚᖓᔪᓂᒃ ᐊᒻᒪᓗ ᐃᓱᒪᒋᔭᐅᒋᐊᓕᓐᓂᒃ. ᒫᑦᓇᖅ, ᑖᒃᑯᐊ ᐃᓄᓐᓂᒃ ᐃᓱᒪᑦᓴᓯᐅᕐᓂᑯᑦ ᑲᑎᒪᑦᓯᓃᑦ ᓪᓗᐊᑎᒥᒃ ᓄᐃᑦᓯᒍᓐᓇᑎᑦᓯᒥᔪᑦ ᐱᓇᓱᐊᕈᒪᔭᖓᓂᒃ ᐊᒻᒪᓗ ᐊᕙᑎᒥᒃ ᓱᕐᓂᒍᑎᒋᓚᖓᔭᖏᓐᓂᒃ, ᒪᓕᑦᑎᖃᕐᑎᓗᒋᑦ ᐸᕐᓇᓯᒪᔭᖏᓐᓂᒃ ᑕᒪᒃᑯᓂᖓ ᓱᕐᒍᑎᓂᒃ ᐃᑯᓪᓚᑎᑦᓯᒍᑎᒋᓂᐊᕐᓱᒋᑦ.

ᑕᒪᒃᑯᐊ ᑲᑎᒪᓃᑦ ᓯᕗᓂᖓᓂ. ᑐᑭᑖᕐᑐᐃᔩᑦ ᓪᓗᐊᑎᒥᒃ ᐱᓇᓱᖃᑎᖃᕐᓱᑎᒃ ᖃᐅᔨᒪᒍᑎᑦᓴᓂᒃ ᐱᓇᓱᐊᑦᓴᐅᑉ ᒥᑦᓵᓄᑦ ᐃᓄᓐᓄᑦ ᑐᓂᔨᓲᖑᕗᑦ. ᐃᓱᒪᑦᓴᓯᐅᕐᓂᑦ ᐅᓪᓗᖏᑦ ᐋᕐᕿᓯᒪᓕᑐᐊᕐᒪᑕ, ᑐᑭᑖᕐᑐᐃᔩᑦ ᑎᑭᑎᑦᓯᕕᐅᒍᒪᓲᑦ ᐊᓪᓚᓯᒪᔪᕐᑎᒍᑦ ᐅᖃᐅᓯᑦᔭᕈᑎᓂᒃ ᑯᒻᒪᓲᑎᑦᓴᓕᓕᒫᓄᑦ. ᒪᑐᐃᕐᓗᑎᑦ ᐅᕗᖓ ᐃᓄᐃᑦ ᐃᓚᐅᖃᑕᐅᓂᖓᑦ.

ᑐᑭᑖᕐᑐᐃᔩᑦ ᐊᑐᓕᕐᑎᓯᓯᒪᔪᑦ ᖃᐅᔨᒪᒍᑎᓄᑦ ᐊᒻᒪᓗ ᐃᓄᓐᓂᒃ ᐃᓱᒪᑦᓴᓯᐅᕐᓂᒧᑦ ᐱᓂᐊᕐᓂᖃᕈᑎᒥᒃ (ᖃᓪᓗᓈᑎᑑᕐᑐᑦ ᑭᓯᐊᓂ).