ᐃᓄᓕᒫᑦ ᐃᓚᐅᖃᑕᐅᓂᖓᑦ

ᐃᓄᓕᒫᑦ ᐃᓚᐅᖃᑕᐅᓂᖓᑦ ᐃᓅᖃᑎᒌᓂᒃ ᐊᕙᑎᒥᓪᓗ ᑲᙳᓇᕿᓂᐅᑉ ᐱᓇᓱᑦᑕᐅᓂᖓᑕ ᐃᓗᐊᒍᑦ ᓱᕐᖁᐃᕈᑕᐅᕗᖅ ᐃᓄᐃᑦ ᐊᑐᓂ ᐊᒻᒪᓗ ᐊᑕᐅᓯᐅᓕᖓᖃᑎᒌᑦ ᐃᓱᒫᓗᒋᔭᓖᑦ ᐱᓇᓱᐊᑦᓴᒥᒃ ᓄᐃᑕᐅᒍᒪᔪᒥᒃ, ᐅᕝᕙᓘᓐᓃᑦ ᑐᓐᓇᑕᐅᓗᑎᒃ ᓱᕐᕋᑕᐅᓚᖓᔪᑦ ᑖᑦᓱᒧᖓ, ᖃᐅᔨᒪᑎᑕᐅᓂᖓᓂᒃ ᐊᒻᒪᓗ ᓂᓪᓕᕕᑦᓴᖃᕐᑎᑕᐅᓂᖓᓂᒃ ᐃᓱᒪᒥᓂᒃ, ᐃᓱᒫᓗᒋᔭᒥᓂᒃ, ᐅᖃᐅᓯᑦᓴᒥᓂᒃ ᐅᕝᕙᓘᓐᓃᑦ ᐋᕐᕿᑐᑦᓴᖁᑎᒥᓂᒃ ᐱᓇᓱᐊᑦᓴᐅᑉ ᓱᓇᓕᒫᖓ ᐱᑦᔪᑎᒋᓗᒍ. ᐅᖃᐅᓯᑦᓴᓂᒃ ᑐᓂᔨᒋᐊᓚᕕᓕᒃ ᐊᑐᕐᓗᓂ ᒪᑉᐱᒐᕐᒥᒃ ᐱᓇᓱᐊᑦᓴᓄᑦ ᒪᑐᐃᙶᑐᓄᑦ ᐅᖃᐅᓯᑦᓴᓂᒃ ᓄᐃᑦᓯᕕᐅᒍᒪᒍᑎᒃ.

ᒪᙵᐅᓂᕐᓴᖅ, ᐃᓄᓐᓂᒃ ᑐᓴᕆᐊᕐᓯᒪᓂᖃᓲᖑᕗᖅ ᓱᕐᕋᑕᐅᓚᖓᔪᓂ ᓄᓇᓕᓐᓂ ᐱᑦᔪᑎᖃᕐᑎᓗᒍ ᐱᓇᓱᑦᑕᐅᒍᒪᔪᓂᒃ ᐊᖏᔪᖑᐊᓂᒃ ᑲᒪᒍᑎᑦᓴᓕᓐᓂᒃ ᐊᕙᑎᒧᑦ ᐊᒻᒪᓗ ᐃᓅᖃᑎᒌᓄᑦ ᐊᑦᑐᐊᔪᓂᒃ. ᐃᓄᓐᓂᒃ ᑐᓴᕆᐊᕐᓯᒪᓂᐅᖃᑦᑕᓛᕐᑐᑦ ᐅᓪᓗᖏᑦ ᑕᒡᒐᓂ ᐱᔭᑦᓴᐅᕗᑦ.