ᐱᕐᕈᓯᖓ

ᐃᓅᖃᑎᒌᓂᒃ ᐊᒻᒪᓗ ᐊᕙᑎᒥᒃ ᑲᙳᓇᕿᓂᐅᑉ ᐱᕐᕈᓯᖓ ᐅᖄᔭᐅᑦᓯᐊᐳᖅ ᐃᓚᖏᓐᓄᑦ 23.3.12 ᐊᒻᒪᓗ 23.3.30-ᒥ ᔪᕼᓇᒋᒍ ᐊᖏᖃᑎᒌᓐᓂᒥ ᐊᒻᒪᓗ ᒪᓕᒐᖃᕐᖁᖅ ᐃᓚᖏᓐᓂᒃ 187-ᒥᒃ 204-ᒧᑦ ᐊᕙᑎᐅᑉ ᐱᐅᓂᖓᓄᑦ ᐱᖁᔭᒥ ᕆᒋᒍ. ᓈᓭᑎᖏᑦ ᒍ ᐊᒻᒪᓗ ᕼ ᑕᒡᒐᓂ ᐱᖁᔭᒥ ᓄᐃᑦᓯᔪᑦ, ᐃᓛᒃᑯᑦ, ᓈᓭᒍᑎᓂᒃ ᐱᓇᓱᐊᑦᓴᓂᒃ ᑐᕂᓐᓇᓗᑎᒃ ᐊᑐᕆᐊᖃᑦᓴᐅᑎᒋᔪᓂᒃ ᑕᒪᑐᒪ ᐱᕐᕈᓯᖓᓂᒃ ᐊᒻᒪᓗ ᐱᓇᓱᐊᑦᓴᓂᒃ ᖃᓗᔭᐅᒪᙱᑐᓂᒃ ᑕᒪᑐᒧᖓ. ᐱᓇᓱᐊᑦᓴᖅ ᐅᖃᕐᑕᐅᖏᑐᐊᕐᐸᑦ ᑖᒃᑯᐊ ᓈᓭᒍᑏᑦ

ᑕᓪᓕᒪᓪᓚᕆᓐᓂᒃ ᐊᓪᓗᕆᐊᕐᓂᑕᓕᒃ ᑲᙳᓇᕿᓂᐅᑉ ᐱᕐᕈᓯᖓᑕ ᐃᓗᐊᓂ, ᐊᑯᓂᐅᙱᑐᖅ ᐅᖃᕐᑕᐅᓯᔪᓂᒃ ᑕᒡᒐᓂ, ᐊᒻᒪᓗ ᓀᓈᕐᓯᒪᑎᓪᓗᒋᑦ ᓄᐃᑕᐅᓚᖓᔪᓂᒃ ᐃᓯᕕᑦᓯᒍᑎᒥ ᑖᒃᑯᐊ ᑭᖑᓪᓕᕆᓚᖓᔭᖓᓂ. ᐃᓚᖓ 23 JBNQA-ᒥ, ᐅᖃᕐᓯᒪᙱᑐᖅ ᖃᓄᑎᒋᒃ ᑖᒃᑯᐊ ᐊᓪᓗᕆᐊᕐᓃᑦ ᓇᓪᓕᒐᓗᐊᖏᑦ ᐊᑯᓂᕆᓂᖃᕈᓐᓇᒪᖔᑕ, ᐊᒻᒪᓗ ᐊᑯᓂᕆᓂᖅ ᐊᑦᔨᒌᙱᑑᒍᓐᓇᐳᖅ ᒪᓕᑦᓱᓂ ᐱᓇᓱᐊᑦᓴᐅᑉ ᐱᔭᕆᐊᑐᓂᖓᓂᒃ ᐊᒻᒪᓗ ᓱᓇᓂᒃ ᑭᖑᓂᖃᕐᓂᐅᔭᕐᓂᖓᓂᒃ, ᐊᒻᒪᓗ ᑫᓪᓗᐊᑎᐅᑉ ᐊᑯᓂᕆᖃᑦᑕᓂᖓᓂᒃ ᓄᐃᑦᓯᖏᓐᓂᒥᓂ ᖃᐅᔨᒪᒍᑎᑦᓴᓂᒃ ᑐᑦᓯᕂᔭᐅᒍᑎᒥᓂᒃ.

1. ᐱᓇᓱᐊᑦᓴᐅᑉ ᒪᓂᔭᐅᓂᖓ

ᑫᓪᓗᐊᑎ ᑎᑭᑎᑦᓯᔪᖅ ᐊᐅᓚᑦᓯᔨᒻᒪᕆᒻᒧᑦ ᖃᐅᔨᑎᑦᓯᐅᑎᒥᒃ ᑫᒥᑦᓯᒍᑎᒥᓂᒃ ᐊᒻᒪᓗ ᓯᕗᓪᓕᐹᒥᒃ ᖃᐅᔨᒪᒍᑎᑦᓴᓂᒃ ᑖᑦᓱᒪ ᐱᓇᓱᐊᑦᓴᐅᑉ ᑫᒥᒍᒪᔭᖓᑕ ᒥᑦᓵᓄᑦ. ᑖᒃᑯᐊ ᖃᐅᔨᒪᒍᑏᑦ ᐃᓚᖃᓚᖓᔪᑦ ᐅᖃᕐᑐᓂᒃ ᐱᓇᓱᐊᑦᓴᐅᑉ ᐱᑦᔪᑎᖓᓂᒃ, ᖃᓄᐃᑦᑐᔭᐅᓂᖓᓂᒃ ᐊᒻᒪᓗ ᐊᖏᓂᖓᓂᒃ, ᐊᒻᒪᓗ ᐊᓯᑦᔨᑐᐃᓐᓇᕆᐊᓕᓐᓂᒃ ᓱᑯᑦᓯᒦᓐᓂᖓᑕ ᐅᕝᕙᓘᓐᓃᑦ ᐃᓂᓪᓚᑎᕐᓯᒪᓂᖓᑕ ᑐᑭᖏᑎᒍᑦ.

2. ᐱᐅᓂᖓᑕ ᑲᒪᒍᑕᐅᓂᖓ

ᐱᓇᓱᐊᑦᓴᖅ ᑲᙳᓇᕿᓂᐅᑉ ᐱᕐᕈᓯᖓᓂᒃ ᐊᑐᕆᐊᖃᑦᓴᐅᑎᒋᑐᐊᕐᒪᑦ, ᑐᑭᑖᕐᑐᐃᔩᑦ ᐋᕐᕿᓱᐃᓲᑦ ᑎᓕᔨᒍᑎᒥᒃ ᐅᖃᕐᑐᒥᒃ ᖃᓄᑎᒋᒃ ᐱᒻᒪᕆᑦᑐᒥᒃ ᓱᕐᕂᓂᖓᓂᒃ ᑲᙳᓇᕿᓂᖃᕆᐊᖃᕐᒪᖔᑦ ᑕᒪᓐᓇ ᑫᓪᓗᑐᕐᑎᒧᑦ ᑲᔪᓯᑎᑕᐅᒋᐊᖃᓚᖓᑎᓪᓗᒍ.

ᑖᓐᓇ ᑎᓕᔨᒍᑎ ᑎᑭᑎᓲᖓᑦ ᐊᐅᓚᑦᓯᔨᒻᒪᕆᒻᒧᑦ, ᑖᑦᓱᒪ ᑫᓪᓗᐊᑎᒧᑦ ᑎᑭᑎᓂᐊᓕᕐᒪᐅᒃ, ᐋᕐᕿᒋᐊᕈᑎᓂᒃ ᐱᑕᖃᕐᑎᓗᒍ ᐅᕝᕙᓘᓐᓃᑦ ᓱᕐᕂᑑᑎᓪᓗᒍ. ᐱᓇᓱᐊᑦᓴᖅ “ᑕᑯᑦᓴᐅᖏᑦᑐᒥᒃ ᐃᓂᓕᒃ” ᐱᑦᔪᑎᒋᑦᓱᒍ, ᑐᑭᑖᕐᑐᐃᔩᑦ ᑐᑭᑖᓲᑦ ᑲᙳᓇᕿᓂᐅᑉ ᐱᕐᕈᓯᖓᓂᒃ ᐊᑐᕈᑕᐅᒋᐊᖃᕐᒪᖔᑦ. ᑌᒣᑦᑐᑎᒍᑦ, ᖃᐅᔨᒪᒍᑏᑦ ᑫᓪᓗᐊᑎᐅᑉ ᓄᐃᑕᖏᑦ ᓈᒻᒪᕆᐊᖃᓲᑦ ᐊᑐᕈᑕᐅᒍᓐᓇᓗᑎᒃ ᐱᒋᐊᙵᐅᑎᒥᒃ ᑲᙳᓇᕿᐅᑎᒥᒃ ᐃᓅᖃᑎᒌᑦ ᐊᒻᒪᓗ ᐊᕙᑎᐅᑉ ᓱᕐᕂᑕᐅᓚᖓᓂᖓᓂᒃ ᐱᓇᓱᐊᑦᓴᒧᑦ, ᑲᑎᒪᔩᑦ ᓇᓗᓀᕐᓯᒍᓐᓇᓂᐊᕐᒪᑕ ᑖᓐᓇ ᕿᒥᕐᕈᔭᐅᓂᕐᒧᑦ ᑐᕐᖁᕆᐊᖃᕐᒪᖔᑦ ᐅᕝᕙᓘᓐᓃᑦ ᑐᕐᖁᕆᐊᖃᙱᒻᒪᖔᑦ. ᑲᑎᒪᔩᑦ ᑐᑭᑖᕐᐸᑕ ᐱᓇᓱᐊᑦᓴᐅᑉ ᕿᒥᕐᕈᒍᑕᐅᓂᕐᒧᑦ ᑐᕐᖁᕆᐊᖃᕐᓂᖓᓂᒃ, ᑐᑭᑖᕐᑐᐃᔩᑦ ᐋᕐᕿᓱᐃᓚᖓᔪᑦ ᑎᓕᔨᒍᑎᒥᒃ ᑫᓪᓗᐊᑎ ᓄᐃᑦᓯᒋᐊᖃᕐᓂᐊᑎᓪᓗᒍ ᓱᕐᕂᒍᑎᓂᒃ ᖃᐅᔨᓴᕈᑎᓂᒃ. ᑐᑭᑖᑦᓴᓂᐊᕈᑎᒃ ᒪᓕᒐᕐᒧᑦ ᖃᓗᔭᐅᑎᑦᓯᓂᐊᕋᑎᒃ ᐱᓇᓱᐊᑦᓴᒥᒃ, ᑐᑭᑖᕐᑐᐃᔩᑦ ᑕᒪᑐᒥᖓ ᐅᖃᓚᖓᔪᑦ ᐊᐅᓚᑦᓯᔨᒻᒪᕆᒻᒧᑦ, ᑖᓐᓇ ᑫᓪᓗᐊᑎᒧᑦ ᑐᓂᔨᓂᐊᓕᕐᒪᑦ ᖃᓗᔭᐅᙱᓂᖓᑕ ᐅᖃᕐᑕᐅᒍᑎᖓᓂᒃ. ᑖᓐᓇ ᓇᓗᓀᒃᑯᑕᖅ ᐲᕐᓯᔭᖏᑦᑐᖅ ᑫᓪᓗᐊᑎᐅᑉ ᐱᒋᐊᖃᕐᓂᖓᓂᒃ ᐊᖏᕐᑕᐅᒍᑎᒥ(ᓂ)ᒃ ᐱᒍᒪᔭᐅᒍᓐᓇᑐᓂᒃ ᓇᐅᑐᐃᓐᓇᒧᑦ ᐱᖁᔭᒧᑦ ᐅᕝᕙᓘᓐᓃᑦ ᒪᓕᒐᕐᒧᑦ, ᕆᒋᒍ-ᒧᑦ ᐊᑦᑐᐊᔪᑦ ᐃᓚᐅᑎᓪᓗᒋᑦ. 

ᐃᓚᓪᓗᑯᖏᓐᓂ, ᐊᒻᒪᓗ ᑐᑭᑖᙱᓂᕐᒥᓂ, ᑐᑭᑖᕐᑐᐃᔩᑦ ᖃᐅᔨᒪᒍᑎᑦᓴᒋᐊᓪᓚᓂᒃ ᑐᑦᓯᕋᕈᓐᓇᑐᑦ ᐃᓱᒪᑐᐊᕈᑎᒃ ᖃᐅᔨᒪᒍᑏᑦ ᒪᓂᔭᐅᒪᔪᑦ ᓱᓇᒥᙱᓂᖓᓂᒃ.

 3. ᓱᕐᕂᒍᑎᓂᒃ ᖃᐅᔨᓴᕈᑏᑦ ᐊᑐᐃᓐᓇᕈᑦᑕᐅᓂᖏᑦ

ᑫᓪᓗᐊᑎ ᓱᕐᕂᒍᑏᑦ ᖃᐅᔨᓴᕐᑕᐅᓂᖓᓂᒃ ᑲᔪᓯᑎᑦᓯᒋᐊᓕᒃ, ᑕᒪᓐᓇᓗ ᐃᓱᒪᒍᑕᐅᒋᐊᖃᕐᓱᓂ ᑐᑭᑖᕐᑐᐃᔩᑦ ᐃᓯᒪᔭᖓᓂᒃ ᑎᓕᔨᒍᑎᒥᒃ ᐊᒻᒪᓗ ᓱᓇᒥᑦᓯᓗᓂ ᐅᐊᕈᑎᓂᒃ ᓈᓴᕐᑕᐅᔪᓂᒃ ᓈᓭᑎᒥ 3-ᒥ ᐃᓚᖓᓂ 23-ᒥ ᔪᕼᓇᒋᒍ ᐃᓗᐊᓂ, ᒪᑯᓂᖓ ᐃᓚᓕᓐᓂᒃ:

  • ᐱᓇᓱᐊᑦᓴᐅᑉ ᓱᓇᒨᓕᖓᓂᖓ;
  • ᐅᖃᕇᑦᓯᐊᑐᑦ ᐅᓕᕐᓀᑎᕆᐅᑏᑦ ᐱᓇᓱᐊᑦᓴᒥᒃ ᐊᒻᒪᓗ ᐃᓅᖃᑎᒌᓂᒃ ᓄᓇᐅᓪᓗ ᐊᕙᑎᒐᓚᖏᓐᓂᒃ ᓱᕐᕋᑕᐅᓚᖓᔪᓂᒃ;
  • ᑲᙳᓇᕿᒍᑎᓂᒃ ᓇᓂᓪᓗᑐᖅ ᐱᓇᓱᐊᑦᓴᐅᑉ ᓱᕐᕂᖃᑦᑕᓚᖓᓂᖓᓂᒃ;
  • ᐊᓯᒋᓕᐅᑎᒍᓐᓇᑐᑦ ᐅᓕᕐᓀᔭᕈᑎᖏᑦ;
  • ᐅᓕᕐᓀᓯᒍᑏᑦ ᐸᕐᓇᑕᐅᓯᒪᔪᓂᒃ ᐃᑯᓪᓚᑎᑦᓯᒋᐊᕐᓂᒧᑦ ᐊᒻᒪᓗ ᓴᑑᑎᑦᓭᓂᕐᒧᑦ ᐋᕐᕿᓯᒪᒍᑎᑦᓴᓂᒃ ᐊᒻᒪᓗ ᐊᕙᑎᒥᒃ ᐸᐸᑦᓯᓂᒃᑯᑦ ᐊᒻᒪᓗ ᒪᓕᒐᕐᓂᒃ ᒪᓕᒍᑕᐅᑎᑦᓯᓂᒃᑯᑦ ᐱᐅᓯᐅᔪᑦᓴᓂᒃ.

 4. ᕿᒥᕐᕈᓂᖅ ᐊᒻᒪᓗ ᐃᓄᐃᑦ ᐃᓚᐅᖃᑕᐅᓂᖓᑦ

ᑫᓪᓗᐊᑎ ᓱᕐᕂᒍᑎᓂᒃ ᖃᐅᔨᓴᐅᑎᓂᒃ ᑐᓂᔨᔪᖅ ᐊᐅᓚᑦᓯᔨᒻᒪᕆᒻᒧᑦ, ᑖᑦᓱᒪ ᑎᑭᑎᓂᐊᓕᕐᒪᒋᑦ ᑐᑭᑖᕐᑐᐃᔩᑦ ᑖᒃᑯᓄᖓ ᑐᑭᓯᓂᐊᕈᑕᐅᓂᐊᕐᒪᑕ. ᑌᒪᙵᐅᓂᕐᓴᖅ, ᑐᑭᑖᕐᑐᐃᔩᑦ ᕿᒥᕐᕈᓲᑦ ᐱᓇᓱᐊᑦᓴᒥᒃ ᑭᖑᓪᓕᒥ ᑲᑎᒪᕕᒋᓛᕐᓱᒍ ᑐᕌᕐᓯᒪᔭᒥᓂ. ᑲᑎᒪᔩᑦ ᐃᓱᒪᑐᐊᕈᑎᒃ ᖃᐅᔨᒪᒍᑎᒋᐊᓪᓚᓂᒃ ᐱᒋᐊᖃᕐᓂᒥᓂᒃ, ᐊᐱᕐᓲᑎᓕᐅᕈᓐᓇᑐᑦ ᐊᐅᓪᓚᑎᓚᖓᔭᒥᓂᒃ ᐊᐅᓚᑦᓯᔨᒻᒪᕆᒻᒧᑦ. ᑐᑭᑖᕐᑐᐃᔩᑦ ᑖᒃᑯᓄᖓ ᐊᐱᕐᓲᑎᓄᑦ ᑭᐅᔭᐅᒍᑎᓂᒃ ᑎᑭᑕᐅᓯᒪᒋᐊᓖᑦ ᕿᒥᕐᕈᓂᕐᒥᓂᒃ ᑲᔪᓯᒍᑎᖃᙱᓂᕐᒥᓂ. ᓱᒋᐊᓪᓚᒃ, ᐃᓄᐃᑦ ᐱᕕᖃᕐᒥᔪᑦ ᐅᖃᐅᓯᑦᓴᒥᓂᒃ ᓄᐃᑦᓯᓂᕐᒥᒃ ᑐᑭᑖᕐᑐᐃᔩᑦ, ᑖᒃᑯᐊᓗ ᐃᓄᓐᓂᒃ ᐃᓱᒪᑦᓴᓯᐅᕈᑎᓂᒃ ᐊᑐᓯᒍᓐᓇᓱᑎᒃ ᑌᒣᒋᐊᖃᕐᑐᕆᑐᐊᕈᑎᒃ. ᐃᓄᐃᑦ ᐃᓚᐅᖃᑕᐅᓂᖓᑦ ᐊᐅᓚᑕᐅᕗᖅ ᖃᐅᔨᒪᒍᑎᓕᕆᓂᐅᑉ ᐊᒻᒪᓗ ᐃᓄᓐᓂᒃ ᐃᓱᒪᑦᓴᓯᐅᕐᓂᐅᑉ ᐱᕐᕈᓯᖓᓄᑦ.

5. ᑐᑭᑖᕐᓂᖅ ᐊᒻᒪᓗ ᐊᖏᕐᓂᖅ

ᑐᑭᑖᕐᑐᐃᔩᑦ ᑐᑭᑖᓲᖑᕗᑦ ᐱᓇᓱᐊᑦᓴᖅ ᐊᖏᕐᑕᐅᓂᐊᕐᒪᖔᑦ ᐅᕝᕙᓘᓐᓃᑦ ᐊᐅᑳᕐᑕᐅᓂᐊᕐᒪᖔᑦ, ᐊᒻᒪᓗ ᓈᒻᒪᓈᑐᐊᕐᐸᑦ, ᐅᖃᓲᖑᕗᑦ ᓂᐳᕐᑎᑕᐅᒋᐊᖃᓚᖓᔪᓂᒃ ᑌᓐᓇ ᑲᔪᓯᑎᑕᐅᓚᖓᑐᐊᕐᐸᑦ. ᐊᐅᓚᑦᓯᔨᒻᒪᕆᒃ ᐃᓱᒪᒍᑎᖃᓲᖑᕗᖅ ᑐᑭᑖᕐᑐᐃᔩᑦ ᑐᑭᑖᖓᓂᒃ ᓇᓗᓀᕐᓯᓚᖓᓕᕋᒥ ᐱᓇᓱᐊᑦᓴᒥᒃ ᐊᖏᕐᓂᐊᒪᖔᕐᒥ ᑐᓂᔨᓂᐊᕐᒪᖔᕐᒥᓗ ᐊᖏᕐᑕᐅᒪᓂᖓᑕ ᐅᖃᕐᑕᐅᒍᑎᖓᓂᒃ. ᑖᓐᓇ ᐊᖏᕐᑕᐅᒍᑎ ᐲᕐᓯᔭᖏᑦᑐᖅ ᑫᓪᓗᐊᑎᐅᑉ ᐱᒋᐊᖃᕐᓂᖓᓂᒃ ᐊᖏᕐᑕᐅᒍᑎᒥ(ᓂ)ᒃ ᐱᒍᒪᔭᐅᒍᓐᓇᑐᓂᒃ ᓇᐅᑐᐃᓐᓇᒧᑦ ᐱᖁᔭᒧᑦ ᐅᕝᕙᓘᓐᓃᑦ ᒪᓕᒐᕐᒧᑦ, ᕆᒋᒍ-ᒧᑦ ᐊᑦᑐᐊᔪᑦ ᐃᓚᐅᑎᓪᓗᒋᑦ. 

 

ᐊᓪᓗᕆᐊᕐᓂᖓ ᑲᒪᒋᐊᓕᒃ
1 ᐱᓇᓱᐊᑦᓴᐅᑉ ᒪᓂᔭᐅᓂᖓ
ᐱᒋᐊᙵᓂᕐᒥ ᖃᐅᔨᒪᒍᑎᑦᓭᑦ ᐱᓇᓱᐊᑦᓴᐅᑉ ᒥᑦᓵᓄᑦ ᐊᐅᓪᓚᑎᑕᐅᓂᖓᑦ ᐊᐅᓚᑦᓯᔨᒻᒪᕆᒻᒧᑦ ᑫᓪᓗᐊᑎ
ᖃᐅᔨᒪᒍᑎᑦᓭᑦ ᑐᔫᑕᐅᓂᖏᑦ KEQC-ᒧᑦ MDDELCC
2 ᐱᐅᓂᖓᑕ ᑲᒪᒍᑕᐅᓂᖓ
ᐱᓇᓱᐊᑦᓴᖅ ᕿᒥᕐᕈᒍᑕᐅᓂᕐᒥᒃ ᐊᑐᕆᐊᖃᑦᓴᐅᑎᒋᔪᖅ ᐅᕝᕙᓘᓐᓃᑦ ᐊᑐᕆᐊᖃᓯᔪᖅ ᑲᑎᒪᔩᑦ ᑐᑭᑖᕐᑎᓗᒋᑦ ᑕᑯᑦᓴᐅᖏᑦᑐᒥᒃ ᐃᓂᓕᒃ ᐱᓇᓱᐊᑦᓴᖅ
ᐊᑐᐃᓐᓇᕈᑦᑎᕆᓂᖅ ᐱᓇᓱᐊᑦᓴᐅᑉ ᑎᓕᔭᐅᒍᑎᖓᓂᒃ ᑎᑭᑎᒋᐊᓕᒻᒥᒃ ᐊᐅᓚᑦᓯᔨᒻᒪᕆᒻᒧᑦ ᖃᐅᔨᒪᒍᑎᒋᐊᓪᓚᓂᒃ ᑐᑦᓯᕋᕈᑏᑦ* ᑐᑭᑖᕐᑐᐃᔩᑦ
ᑎᓕᔨᒍᑎᐅᑉ ᑫᓪᓗᐊᑎᒧᑦ ᑎᑭᑎᑕᐅᓂᖓ MDDELCC
ᑭᐅᒍᑏᑦ ᐊᐱᕐᓲᑎᓂᒃ ᐊᒻᒪᓗ ᐅᖃᐅᓯᑦᓴᓂᒃ ᑎᑭᑦᑐᕕᓂᕐᓂᒃ ᐊᐅᓚᑦᓯᔨᒻᒪᕆᒻᒧᑦ * ᑫᓪᓗᐊᑎ
ᑭᐅᒍᑏᑦ ᐊᐱᕐᓲᑎᓂᒃ ᐊᒻᒪᓗ ᐅᖃᐅᓯᑦᓴᓂᒃ ᑎᑭᑦᑐᕕᓂᕐᓂᒃ ᕗᕆᒋᕋ-ᑯᓄᑦ* MDDELCC
ᑐᑭᑖᕈᑎ ᐱᓇᓱᐊᑦᓴᖅ ᒪᓂᔪᑦᓴᐅᒪᖔᑦ ᖏᒻᒪᖔᓪᓗ ᑲᙳᓇᕿᓂᐅᑉ ᐱᕐᕈᓯᖓᓄᑦ ᑎᑭᑎᑕᐅᔪᖅ ᐊᐅᓚᑦᓯᔨᒻᒪᕆᒻᒧᑦ ᑐᑭᑖᕐᑐᐃᔩᑦ
ᖃᓗᔭᐅᙱᓂᖓᓂᒃ ᐅᖃᕈᑏᑦ ᑎᑭᑎᑕᐅᔪᑦ ᑫᓪᓗᐊᑎᒧᑦ* MDDELCC
3 ᓱᕐᕂᒍᑎᓂᒃ ᖃᐅᔨᓴᕈᑏᑦ ᐊᑐᐃᓐᓇᕈᑦᑕᐅᓂᖏᑦ ᑫᓪᓗᐊᑎ
4 ᕿᒥᕐᕈᓂᖅ ᐊᒻᒪᓗ ᐃᓄᐃᑦ ᐃᓚᐅᖃᑕᐅᓂᖓᑦ
ᓱᕐᕂᒍᑎᓂᒃ ᖃᐅᔨᓴᐅᑏᑦ ᒪᓂᔭᐅᓂᖏᑦ ᐊᐅᓚᑦᓯᔨᒻᒪᕆᒻᒧᑦ ᑫᓪᓗᐊᑎ
ᓱᕐᕂᒍᑎᓂᒃ ᖃᐅᔨᓴᐅᑏᑦ ᑎᑭᑎᑕᐅᓂᖏᑦ KEQC-ᑯᓄᑦ MDDELCC
ᐊᐱᕐᓲᑎᑦᓭᑦ ᐊᒻᒪᓗ ᐅᖃᐅᓯᑦᓴᖃᕈᑏᑦ8* ᑐᑭᑖᕐᑐᐃᔩᑦ
ᑭᐅᒍᑏᑦ ᐊᐱᕐᓲᑎᓂᒃ ᐊᒻᒪᓗ ᐅᖃᐅᓯᑦᓴᓂᒃ ᑎᑭᑕᐅᓯᒪᔪᓂᒃ ᐊᐅᓚᑦᓯᔨᒻᒪᕆᒻᒧᑦ* ᑫᓪᓗᐊᑎ
ᑭᐅᒍᑏᑦ ᐊᐱᕐᓲᑎᓂᒃ ᐊᒻᒪᓗ ᐅᖃᐅᓯᑦᓴᓂᒃ ᑎᑭᑕᐅᓯᒪᔪᓂᒃ ᕗᕆᒋᕋ-ᑯᓄᑦ* MDDELCC
ᐱᕕᖃᕐᑎᓯᓂᖅ ᐃᓄᐃᑦ ᐃᓱᒪᑦᓴᓯᐅᕐᑕᐅᓂᖓᓂᒃ ᐊᒻᒪᓗ ᐅᖃᐅᓯᑦᓴᓂᒃ ᓄᐃᑦᓯᕕᑦᓴᖓᓂᒃ ᑐᑭᑖᕐᑐᐃᔩᑦ
5 ᑐᑭᑖᕐᓂᖅ ᐊᒻᒪᓗ ᐊᖏᕐᓂᖅ
ᕗᕆᒋᕋ-ᑯᑦ ᑐᑭᑖᖓᑕ ᑎᑭᑎᑕᐅᓂᖓ ᐊᐅᓚᑦᓯᔨᒻᒪᕆᒻᒧᑦ ᑐᑭᑖᕐᑐᐃᔩᑦ
ᐊᖏᕐᑕᐅᓂᖓᑕ ᐅᖃᕈᑎᖓᓂᒃ ᓄᐃᑦᓯᓂᖅ MDDELCC

MDDELCC – ᒥᓂᔅᑕ ᒪᑭᑕᒍᓐᓇᓂᐊᕐᑐᓂᒃ ᐱᕙᓪᓕᐊᑎᑦᓯᓂᕐᒧᑦ, ᐊᕙᑎᒧᑦ ᐊᒻᒪᓗ ᐊᑭᓂᐊᕐᓂᒧᑦ ᓯᓚᐅᑉ ᐊᓯᑦᔨᐸᓪᓕᐊᓂᖓᓂᒃ.

*ᑖᒃᑯᐊ ᐊᓪᓗᕆᐊᕈᑏᑦ ᐊᑐᕐᑕᐅᖃᑦᑕᓚᖓᔪᑦ ᐊᑐᕆᐊᖃᕐᓂᓗᑐᖓᑦ ᒪᓕᓪᓗᒍ.